سروده ا ي از آقاي علي اصغر جمراسي با عنوان (خلج شهر خوب من)
در اين اشعار آقاي جمراسي از پنجاه آبادي و روستا كه به زبان تركي خلجي سخن مي گويند نام برده است . و اسامي اين روستاها را در قالب شعر به علاقه مندان معرفي كرده است. شايان ذكر است كه اين اشعار به نقل از كتاب [ قارشو بالوققا سلام] نامبرده كه بزودي منتشر خواهد شد، اقتباس شده است.
منيم خلج سخ بالوقوم
تاغلاريندا، تاشلارينيا
كؤكجه نارون قوشلارينيا
ونارچ`دا تا تلخاب`ينيا
منيم، خلج سخ[1] بالوقوم
دَوري پرين اوجاتاغار
حَتكينچه ياشول باغار
بن چنار`لا سقر جوقار
منيم، خلج سخ بالوقوم
دام دام[1] كئسين ماغارولا
پيرك[2] اِئسين گادامولا
پيريز[3] توشين گاونولا
منيم، خلج سخ بالوقوم
دونا[4] تؤشين قلاع سولا
تُؤرو چيراغ لامپاسولا[5]
ندرآباد و خورچا سولا
منيم، خلج سخ بالوقوم
آَريشته له پورشوك[6] آشو
قاوروق حِكمَكين[7] لاوا شو
صفرآباد، چاهك بوشو
منيم، خلج سخ بالوقوم
قيشين طوله آخورو لا
قاردا بوزدا ياغوشولا
سربند، كشه، بُوغداسولا
منيم،خلج سخ بالوقوم
اَتليك اَچين قاوورماسو[8]
تري سيله قاوورقا سو
هزارآباد، زرنوشا سو
منيم، خلج سخ بالوقوم
تاغچا كَزَْر حارو[9]لارو
تاتلوخ اولور بالو[10]لارو
سُرخه دِكَه وارقولارو
منيم، خلج سخ بالوقوم
سعدآوا`ين قار، عيازولا
ورسان`ين، خارمان تُوزولا
فيض آباد قارا يازولا
منيم، خلج سخ بالوقوم
دارستان`ين سوچوسولا
موسي آباد`ين يولچوسولا
بهارستان آوچوسولا
منيم، خلج سخ بالوقوم
چَتين اولور يُؤرَك بُوشو
يِئمَه ليقَرْ جاواو آشو[11]
نودا حاجي نبي بوشو
منيم، خلج سخ بالوقوم
بالوقين ماولا قار ايشي
ينگي عَمَلكه كَلميشي
چَتين اِيشده تَزِيلميشي
منيم، خلج سخ بالوقوم
خلجستان ساغو، سولو
قيز-كلينلر تُؤقير قالو
حارو گُولدا آلور بالو
منيم، خلج سخ بالوقوم
محسن آباد, كرديجانار
خوراك آباد, سفيدآبار
درمنك`له خلت آبادار
منيم، خلج سخ بالوقوم
چُمانَك`ين بُؤزسوولارو
نازلا آقار آققارلارو[12]
منصورآباد، قوشقونلارو
منيم، خلج سخ بالوقوم
سُووق سوولار تؤرماز آقار
خلج تيلين فارسقا ساتار
عراقيه، تاج خاتون نار
منيم، خلج سخ بالوقوم
تاتلوخ- تاتلوخ ميوه لرين
چايلارين چا سَرچه لرين[13]
سهل آوا`چا ايده لرين
منيم، خلج سخ بالوقوم
كَل گيللرين وارقوللارين
بيزكه ماتال هايقوللارين
سرهرود`چا، قونچولارين
منيم، خلج سخ بالوقوم
ييرقي وارور اوتلوق لارقا
آلچاق اؤجا يايلوق لارقا
حيرانام مزرعه نولارقا
منيم، خلج سخ بالوقوم
گِليملري قالوسُولا
اَلجكلَري بوقچاسولا
خورجينلري تورباسولا
منيم، خلج سخ بالوقوم
پَتلَه سِنده يارما سُوندا
چريك آغاچ، آلما سوندا
سلفچگان، خالماسوندا
منيم، خلج سخ بالوقوم Mə
كِيتيك كينده، خوروسُوندا
يِملي كينده ساقُوزوندا
تلخاب`ين هاچوخ سووندا
منيم، خلج سخ بالوقوم
مهرزمين`له شادقول`لارين
بِزينگين[14] له گِلاسلارين
نانگرد، اسفيد بالوقلارين
منيم، خلج سخ بالوقوم
قيليچ تپَه[15] ين حتَكينده
سَس اِشتين تُوپلي كينده
قُوز قولاقو يِملي كينده
منيم، خلج سخ بالوقوم
ياشاقولو كاللارينلا
زاواريان مولكلارينلا
منيم، خلج سخ بالوقوم
تايا- تايا يونچو قاينلا
پاچاك-پاچاك پنئرينلا
عنايت بيك، جندابين`
منيم، خلج سخ بالوقوم
بُوررا- بُوررا كُؤكَرچيكين
گُؤل ايچچه هُؤزَرْ اؤردَكين
موشكيه، نيجه، باغ يك`ين
منيم، خلج سخ بالوقوم
كُؤدن لَرچهَ كَلين لرين
كُوساگَلين حيگيل لرين[16]
واشقانين، خطي قلمين[17]
منيم، خلج سخ بالوقوم
جُوو چولارين آوجار سُؤرَرْ
جُووقولارين بوغدا بيچَر
قونچولارين سَنداغ قَئَِيرَر
منيم، خلج سخ بالوقوم
يورقان تيكن هاتجولارين[18]
پَتله يارقولو تاشلارين[19]
هَرزَگَردين[20]، تُوقماقلارين[21]
منيم، خلج سخ بالوقوم
سيقرلرين، اينك لرين
ُوله لرين، اَشگه لرين
توقلولارين، شيشك لرين
منيم، خلج سخ بالوقومMənim
قلعه چَم`ين ،زيزيگا`نينQələhçəm
باهار، يازو سياوشا`نين
اوغولين قيزين جاوانين
منيم، خلج سخ بالوقوم
عاقولار خلج، قيزلري
نارونلوقچا يُوق بَنزَري
اون بارماقچا اون هونري
منيم، خلج سخ بالوقوم
قارا يازچا، هاچار گولو
ينِگِجه`له مُوجان كالو
قوچچاق خلج توقيرقالو
منيم، خلج سخ بالوقوم
«بيليم» هايور: بولار سؤزؤم
كِئچَه- كُؤندوز يُوم مام كُؤزوم
تلخاب چا من هاچدوم كؤزوم
منيم، خلج سخ بالوقوم
اَللي بالُوق[22] خلج، تُؤزدم
نَغمَه، يِيرلَه، هايدوم سؤزوم
خلج تيلين سالمام اؤزوم
منيم، خلج سخ بالوقوم